თუ შეკრულობა გაწუხებთ, მაშინ ეს ბუნებრივი საშუალებები აუცილებლად უნდა სცადოთ!
შეკრულობა სულაც არ არის სახუმარო რამ. მისი მიზეზი შეიძლება იყოს:
- კვების რაციონში ბოჭკოს ან სითხის დეფიციტი;
- სტრესი;
- მედიკამენტები, რომლებიც აძლიერებს ყაბზობას;
- ცხოვრების ჰიპოდინამიური წესი.
გაქვთ თუ არა შეკრულობა?
ნაწლავების ყოველდღიური დაცლა ბევრს ნორმად მიაჩნია, მაგრამ ეს შეცდომაა. ნაწლავების დაცლის მოთხოვნილება ყველა ადამიანს სხვადასხვა აქვს: ზოგიერთს – დღეში სამჯერ, ზოგიერთს – კვირაში სამჯერ“.
იღებთ თუ არა საკმარის სითხეს?
პირველი, რაც უნდა გააკეთოს ადამიანმა შეკრულობის დროს, ის არის, რომ საკუთარი კვების რეჟიმი შეამოწმოს. შეკრულობასთან საბრძოლველი მთავარი იარაღია ბოჭკო
და სითხე. აუცილებელია მათი დიდი რაოდენობით მიღება, რათა ფეკალური მასები დარბილდეს და თავისუფლად გამოვიდეს მსხვილი ნაწლავიდან.
რამდენია საჭირო?
ნაწლავებმა ნორმალურად რომ იმუშაოს, მოზრდილი ადამიანი დღე-ღამეში მინიმუმ 6 (სასურველია 8) ჭიქა სითხეს უნდა იღებდეს. შეიძლება ნებისმიერი სახის სითხე, მაგრამ წყალი ყველას სჯობია. ზრდასრულმა ადამიანმა დღე-ღამეში 20-35 გრამი ბოჭკო უნდა მიიღოს, ხოლო მან, ვისაც შეკრულობა აწუხებს, სულ ცოტა, 30 გრამი.
სად ვიპოვოთ უჯრედისი?
თუ საკვებს გულისყურით შევარჩევთ, სულაც არ გაგვიჭირდება, ყოველდღიურად მივიღოთ 30 გრამი უჯრედისი:
- ნახევარი ჭიქა მწვანე ბარდა 5 გრამს გვაძლევს,
- ერთი ცალი პატარა ვაშლი – 3გრამს,
- ერთი თეფში ქატო — 13 გრამს.
- ბოჭკოს უხვად შეიცავს ხილი, ბოსტნეული, მარცვლეული, განსაკუთრებით – პარკოსნები, შავი ქლიავი, ლეღვი, ქიშმი
ში, სიმინდი, შვრიის ფაფა, მსხალი და ნიგოზი.
იარეთ სპორტულ დარბაზში
ყველამ ვიცით, რომ ვარჯიში უხდება გულს, მაგრამ რამდენ ჩვენგანს გაუგონია, რომ ის ნაწლავებისთვისაც სასარგებლოა? რეგულარული ვარჯიში ებრძვის შეკრულობას, აიძულებს საკვებს, უფრო სწრაფად იმოძრაოს ნაწლავებში.
ისეირნეთ
ყაბზობის დროს ფიზიკური დატვირთვის ნებისმიერი ფორმა სასარგებლოა, მაგრამ ექსპერტები უპირატესობას ანიჭებენ ფეხით სიარულს. სეირნობა ძალიან კარგია ორსულებისთვის, რადგან მრავალი მათგანი შეკრულობით იტანჯება. თუ ყაბზობა გაწუხებთ, ყოველდღე, სულ ცოტა, 20-30 წუთი უნდა იაროთ ფეხით.
თუ საჭირო ნედლეულს, შეიძენთ, შეგიძლიათ, საფაღარათო თავადაც მოამზადოთ შინ.
აიღეთ 2 წილი დაქუცმაცებული ფსილიუმი (მრავალძარღვას თესლების ჩენჩო), 1 წილი სელის ქატო და 1 წილი შვრიის ქატო, აურიეთ ერთმანეთში და ცოტაოდენ წყალში მიიღეთ ყოველდღე, დაახლოებით საღამოს 9 საათზე.
სწრაფი მეთოდები
თუ თავს ძალიან ცუდად გრძნობთ, ვერაფერი გაგისუფთავებთ ნაწლავებს ოყნაზე უკეთ. ის უებარი საშუალებაა, მაგრამ ხშირად თუ გამოიყენებთ, შესაძლოა, მსხვილი ნაწლავი გაიზარმაცოთ. გაიკეთეთ ოყნა მხოლოდ სუფთა წყლით ან ფიზიოლოგიური ხსნარით. თვალი გადაავლეთ თქვენი სამკურნალო საშუალებების არსენალს. არსებობს პრეპარატები, რომლებსაც შეუძლია გამოიწვიოს ან გააღრმაოს შეკრულობა. მათ რიცხვს ეკუთვნის:
- ანტაციდები, რომლებიც შეიცავს ალუმინს ან კალციუმს;
- სანტიჰისტამინური საშუალებები;
- პარკინსონიზმის საწინააღმდეგო საშუალებები;
- კალციუმის დანამატები;
- შარდმდენები;
- სანარკოზე საშუალებები;
- ფენოთიაზინები;
- საძილე პრეპარატები;
- ტრიციკლური ანტიდეპრესანტები.
კვების რეჟიმი
არსებობს საკვები, რომელიც ზოგთან შეკრულობას იწვევს, ზოგთან კი – არა. მაგალითად, რძემ ერთს შესაძლოა ძლიერი შეკრულობა დამართოს, მეორეს კი – ფაღარათი. თუ შეკრულობის დროს ძლიერ ტკივილს გრძნობთ, სავარაუდოდ, ეს სპასტიკური მსხვილი ნაწლავის ბრალია. ის, ვისაც სპასტიკური მსხვილი ნაწლავი აქვს, უნდა ერიდოს აირების დაგროვების გამომწვევ საკვებს, მაგალითად, პარკოსნებს, კომბოსტოს. ბევრის ჭამასაც უნდა ერიდოთ – საკვების დიდი ულუფა წელავს ნაწლავის კედელს და ამით ამძიმებს ყაბზობას.
რას გვირჩევს ხალხური მედიცინა შეკრულობის დროს:
რეცეპტი 1: ნაყენის მოსამზადებლად დაგჭირდებათ საზამთროს მწვანექერქი თეთრ რბილობთან ერთად. დაქუცმაცებულ 100გრ ქერქს დაასხით 2 ჭიქა მდუღარე წყალი და დადგით 1 საათის განმავლობაში თავდახურული. სვით ნახევარ-ნახევარი ჭიქა 5-ჯერ დღეში. მკურნალობის კურსი 3-4 კვირაა.
თუ ქერქს გამოაშრობთ, მისი გამოყენება ზამთარშიც შეგიძლიათ, მაგრამ გამხმარი ქერქი ჯერ კარგად უნდა დაანამცეცოთ ან ყავის საფქვავით დაფქვათ. მიღებული ფხვნილი ნაყენის მოსამზადებლად გამოგადგებათ. გამომშრალი ქერქი უფრო კონცენტრირებულია, ამიტომ 1 ჭიქა მდუღარე წყალზე 1 ს/კ ფხვნილიც საკმარისია.
ვისაც კუჭის შეკრულობა აწუხებს, საზამთროს ქერქის ნაყენი ყველანაირ პრობლემას მოუხსნის. მაგრამ ეცადეთ, გამოაშროთ ისეთი საზამთროს ქერქი, რომელიც პესტიციდებით არ არის გაჯერებული. ასეთი საზამთროს ცნობა საკმაოდ ადვილია — მის წითელ რბილობში მსხვილი თეთრი ძაფები მოჩანს.
რეცეპტი 2: აიღეთ ალოეს მოზრდილი ფოთოლი, დაახლოებით 15 გრამს რომ იწონიდეს, დაჭერით წვრილად, დაასხით 300 გ შემთბარი ნატურალური თაფლი, 1 დღე-ღამე დააყენეთ, შემდეგ გააცხელეთ და გადაწურეთ. მიიღეთ დილით, ჭამამდე 1 საათით ადრე, თითო სუფრის კოვზი. ეს წამალი კარგად მოქმედებს ნაწლავებზე, კუჭ-ნაწლავის ფუნქციაცყოველთვის მოწესრიგებული გექნებათ. ამავდროულად, აცხრობს ყოველგვარ ანთებას კუჭ-ნაწლავის ლორწოვანზე.
რეცეპტი 3: თითო ს/კ დიდგულას ყვავილს და ხეშავის ნაყოფს ვასხამ 2ჩ/ჭწყალს, ვდგამ ნელ ცეცხლზედა ვადუღებ 15-20 წუთი. გაცივებულ, გაწურულ ნახარშს ყოფ ორ ულუფად და ვიღებთ დილა-საღამოს.
ნაყენის სმა გადაბმულად შეგიძლიათ 10 დღე, მერე აუცილებლად უნდა დაისვენოთ. კურსის გამეორება 1-1,5 თვეში შეგიძლიათ.
რეცეპტი 4: სამი კომშისგულს (კურკებიანად) უნდა დაასხათ 2 ჭიქა ანადუღარი წყალი და ხარშოთ 5-7 წთ. ნახარში მიიღეთ თბილ-თბილი, 1/2 ჭიქა 3-ჯერ დღეში, 1 კვირის განმავლობაში.
ნივთიერება, რომელსაც შეიცავს ღვინო არის რეზვერატროლი, ანტიოქსიდანტი რომელიც აქამდეც ცნობილი იყო გულ-სისხლძარღვთა დაავადებების სამკურნალო თვისებებით. ჩატარებული კვლევევბის მიხედვით, რომელიც ეხებოდა ჰიპოკამპზე(თავის ტვინის ნაწილზე) ამ ნივთიერების გავლენას, დადგინდა, რომ რეზვერატროლი ხელს უშლის გონების დაბერების პროცესს და აუმჯობესებს დასწავლის უნარებსაც.
კანის პრობლემები, როგორიცაა ეგზემა, აკნე და ასაკობრივი ლაქები ბევრისთვის შეშფოთებულია. კანის არა სასურველი და უსიამოვნო გამონაყარის მოცილება მრავალი გზით შეიძლება, მაგრამ უნივერსალური საშუალება არ არსებობს.
