შეურიეთ ერთმანეთს ვიტამინი E და გლიცერინი, ეს ნარევი შეგინარჩუნებთ ახალგაზრდობას დიდი ხნის მანძილზე
ადამიანს ასაკი პირველი სახის კანზე ეტყობა. ამიტომ მას განსაკუთრებული მოვლა სჭირდება. სახის კანის ახალგაზრდობის შენარჩუნება შეიძლება მისი ყოველდღიური დატენიანებითა და მოვლით. თუმცა ამით ჩვენ არ ვამბობთ, რომ ძვირადღირებული საშუალებები უნდა მოიხმაროთ. არა, სახის კანის ახალგაზრდული ფორმით შენარჩუნება შეგიძლიათ ბუნებრივი მეთოდებით დამზადებული კრემებისა და ნიღბების გამოყენებით.
ერთ-ერთი ასეთი საშუალებაა გლიცერინისა და ვითამინი E-ს ნარევი. გლიცერინი და ვიტამინი E სახისთვის შეიძლება გამოიყენოთ ყოველდღიურად, უფრო მეტიც აუცილებლად უნდა გამოიყენოთ ყოველდღე. ტოკოფეროლი (ვიტამინი E) არის პირველი ანტიოქსიდანტი ვიტამინებს შორის, რომელიც ანიჭებს კანს ჯანმრთელობას და ხელს უშლის ასაკთან დაკავშირებულ ცვლილებებს. ეს ნივთიერება ანელებს უჯრედებში ჟანგვის პროცესებს, აუმჯობესებს კვებას და იცავს ულტრაიისფერი სხივების ზემოქმედებისგან. ვიტამინი E გამოიყენება როგორც ძირითადი კომპონენტი ბევრ კოსმეტიკურ საშუალებებში.
მას აქვს შემდეგი თვისებები:
აჩქარებს რეგენერაციას. ანელებს დაბერებას. ასტიმულირებს ესტროგენის გამომუშავებას. ინარჩუნებს ნორმალურ წყალ-ლიპიდურ ბალანსს. ხსნის შეშუპებას. მკურნალობს აკნეს. გამორიცხავს ნაოჭებს, ლაქებს, სტრიებს, მცირე ნაწიბურებს. ხელს უწყობს A ვიტამინის შეწოვას.
ვიტამინის E მიღება შესაძლებელია პერორალურად. იგი კაფსულის ფორმით იყიდება ნებისმიერ აფთიაქში. დღიური დოზაა 15 მგ. გლიცერინი და ვიტამინი E სახისთვის შეიძლება შეიზილოთ კანში.
ამისათვის ორივე საშუალება უნდა შეურიოთ თანაბარი პროპორციით და გამოიყენოთ ძილის წინ. ნარევი საკმარისად სწრაფად შეიწოვება. წვრილი ნაოჭები გაქრება და კანი გახდება ძალიან გლუვი, თანაბარი და ხავერდოვანი.
გლიცერინი სახის კანისთვის: სარგებელი და გამოყენების მახასიათებლები
თხევად გლიცერინს აქვს ერთი ფასდაუდებელი თვისება – ის ინარჩუნებს ტენიანობას. აღნიშნული პროდუქტი იყიდება ნებისმიერ აფთიაქში. გლიცერინს ემატება კრემები, ნიღბები და სილამაზის სხვა პროდუქტები. ეს ქმნის დამატენიანებელ ეფექტს კანზე.
პრობლემური კანისთვის შეგიძლიათ გამოიყენოთ სუფთა გლიცერინი, როგორც ლოსიონი. აღნიშნული ნივთიერების რეგულარული გამოყენებისას უჯრედების რეგენერაცია უმჯობესდება, ყველა ანთება გაცილებით სწრაფად გაივლის. გარდა ამისა, კანი კარგად არის დატენიანებული.
უნდა აღინიშნოს, რომ ნიღაბი გლიცერინით სახისთვის ძალიან სასარგებლოა ყველა ტიპის კანისთვის.
აურიეთ თანაბარი პროპორციით გლიცერინი და თაფლი. ნიღაბი იქნება ძალიან თხევადი. იმისათვის, რომ უფრო სქელი გახდეს, დაამატეთ შვრიის ფაფა.
მშრალი კანისთვის დაამატეთ რამდენიმე წვეთი ეთერზეთი. გარდა ამისა,
ცხიმიანი კანისთვის რეკომენდებულია გლიცერინის, შვრიის და კიტრის წვენის ნიღაბი.
მგრძნობიარე კანს განსაკუთრებული მოვლა სჭირდება. ამისთვის შეგვიძლია შემოგთავაზოთ გლიცერინისა და კვერცხის გულის ნიღაბი ციტრუსის ზეთის დამატებით.
აღნიშნული ნივთიერებები გამოიყენება კრემებში, რომლებიც განკუთვნილია არა მხოლოდ სახის, არამედ ხელებისთვის. ჩვენი სხეულის ეს ნაწილი მუდმივად ექვემდებარება გარემოს, წყალს, საყოფაცხოვრებო ქიმიკატებს. გაღიზიანების მოსახსნელად, კრემების გარდა, შეგიძლიათ გამოიყენოთ სხვადასხვა ნიღბები. თუ მათი მომზადების დრო და სურვილი არ გაქვთ, საკმარისია ჩვეულებრივ კრემს რამდენიმე წვეთი გლიცერინი და ვიტამინი E დაუმატოთ. ხელით წაისვით და გაიჩერეთ მთელი დღის განმავლობაში და ძალიან მალე შეამჩნევთ, რომ კანი გახდა რბილი და ნაზი.
