ისწავლეთ როგორ გააკეთოთ როზმარინის საპონი, რომელიც ხელს უშლის ინფექციებს, აკნეს და კანის სიწითლეს.
არსებობს გარკვეული სამკურნალო მცენარეები რომლებსაც უამრავი თვისება აქვთ, როგორც ჯანმრთელობისთვის, ასევე სილამაზისთვის. როზმარინი ერთ-ერთი მათგანია და, შესაბამისად, მას იყენებდნენ უძველესი დროიდან.
იცით, რა სარგებელი მოაქვს როზმარინის საპონს? ეს არის პროდუქტი, რომელიც შესანიშნავია კანის მოვლისთვის. შემკვრელი, ანთების საწინააღმდეგო და ანტიბაქტერიული თვისებების გამო მისი გამოყენება შესაძლებელია აკნეს მწვავე შემთხვევებში და ჭრილობის ინფექციის დროსაც კი.
ისწავლეთ როგორ გააკეთოთ როზმარინის საპონი კანის დაავადებების სამკურნალოდ
საპონი ადვილად მზადდება და შეიძლება თქვენი სილამაზის ერთ-ერთი საუკეთესო საშუალებაც კი გახდეს. ამისათვის ის უნდა მომზადდეს შესაბამისი ზომებით და მითითებული ინგრედიენტებით.
მნიშვნელოვანია გვახსოვდეს, რომ როზმარინი არის სამკურნალო მცენარე, რომელიც ფართოდ გამოიყენება ფარმაცევტულ ინდუსტრიაში ანთების, ინფექციების და სხვა პრობლემების წინააღმდეგ საბრძოლველად.
ინგრედიენტები:
- ორი ჭიქა ზეითუნის ზეთი
- ერთი ჭიქა წყალი
- მეოთხედი ჭიქა კაუსტიკური სოდა
- ერთი ჭიქა როზმარინის სითხე
- ერთი ჩაის კოვზი ჩაის ხის ეთერზეთი
მომზადებია:
სითხის მოსამზადებლად ადუღეთ მითითებული რაოდენობის წყალი და დაუმატეთ ერთი კოვზი ხმელი როზმარინი. ადუღეთ რამდენიმე წუთი და შემდეგ ამოიღეთ როზმარინი საწურით.
ნელ-ნელა ჩაასხით მითითებული რაოდენობის კაუსტიკური სოდა პლასტმასის ჭურჭელში. ამ პროცედურის გაკეთება სასურველია ღია სივრცეში.
ახლა, იმავე კონტეინერში, დაამატეთ როზმარინის სითხე ორ ჭიქა ზეითუნის ზეთთან ერთად და როდესაც ნარევი გაცივდება, დაამატეთ ჩაის ხის ეთერზეთი.
შემდეგ გამოიყენეთ ბლენდერი დაბალ სიჩქარეზე და როცა ნარევი სქელი გახდება; დაამატეთ დარჩენილი ხმელი როზმარინი. ეს მისცემს საპონს ამქერცლავ ეფექტს.
ამის შემდეგ, თქვენ უნდა მოათავსოთ ნარევი ფორმებში. სასურველია როზმარინის ყლორტები წინასწარ ჩავაწყოთ ფორმებში, ასე რომ საპნის ფორმიდან ამოღება უფრო ადვილი იქნება.
როდესაც საპონი მზად იქნება უნდა შეინახოთ ის ექვსი კვირის განმავლობაში სანამ გამოიყენებთ.
